ലാൻഡ്  ടോക്കണൈസേഷൻ – മാറുന്ന ബിസിനസ് രംഗം 

 

ആശയങ്ങളാണ് ലോകത്തെ മാറ്റി മറിച്ചത്. പ്രതിഭാ ശാലികൾ മുന്നോട്ട് വെക്കുന്ന ആശയങ്ങൾ പലതും ലോകത്തിന്റെ മുന്നോട്ടുള്ള ഗതിയെത്തന്നെ മാറ്റി മറിച്ചിട്ടുണ്ട്. ഇന്ന് ലോകത്തിന് മുന്നിൽ ഇന്ത്യ തലയുയർത്തി നിൽക്കുവാൻ നിദാനമമായ 2 ആശയങ്ങളായിരുന്നു ആധാറും യു പി ഐ ഐഡിയും. ഒരു വ്യക്തിയുടെ എല്ലാ കാര്യങ്ങളും ആധാറുമായി ബന്ധപ്പെട്ടിരിക്കുന്നതിനാൽത്തന്നെ സർക്കാർ സേവനങ്ങൾക്ക് ഗതിവേഗം കൂടിയെന്നത് ഒരു വസ്തുതയാണ്. അത് പോലെ തന്നെയാണ് വിവിധ യു പി ഐ സേവനങ്ങൾ. ഇരുപത് വർഷങ്ങൾക്കു മുൻപ് ചിന്തിക്കുവാൻ കഴിയാതിരുന്നതായിരുന്നു ഒരു മൊബൈൽ കയ്യിലുണ്ടെങ്കിൽ ബാങ്ക് ട്രാൻസാക്ഷൻ സാധ്യമാകുമെന്നത്. ഇന്നീ മാറ്റങ്ങളുടെ ലോകത്ത് നമ്മൾ ജീവിക്കുമ്പോൾ പലപ്പോഴും സംഭവിച്ച് കൊണ്ടിരിക്കുന്ന മാറ്റങ്ങളുടെ ആഴം പലപ്പോഴും നാം ശ്രദ്ധിക്കാറില്ലായെന്നത് ഒരു വസ്തുതയാണ്. ഇന്ത്യയിൽ പുതു ചരിത്രം രചിച്ച ഈ മാറ്റങ്ങളുടെയൊക്കെ ചുക്കാൻ പിടിച്ചത് ഐ ഐ ടി മുംബൈയിലെ അലുമിനിയും ഇന്ത്യയിലെ ഏറ്റവും പ്രമുഖമായ ഐ ടി കമ്പനിയായ ഇൻഫോസിസിന്റെ സ്ഥാപകരിലൊരാളുമായ ശ്രീ.നന്ദൻ നിലേക്കനിയാണ്.

 

ഇപ്പോൾ അദ്ദേഹം മുന്നോട്ട് വെച്ചിരിക്കുന്ന വളരെ വിപ്ലവകരമായ ഒരാശയമാണ് ലാൻഡ് ടോക്കണൈസേഷൻ എന്നുള്ളത്. ഇന്ത്യയുടെ നിലവിലെ 6% ജിഡിപി വളർച്ചയെ 8% വരെ എത്തിക്കണമെങ്കിൽ, രാജ്യത്ത് മൂലധനം വർധിപ്പിക്കുന്നതിന്റെ ഒരു മാർഗ്ഗമായി ഭൂമിയെന്ന ആസ്തിയുടെ ടോക്കണൈസേഷൻ ചെയ്യണമെന്ന് അദ്ദേഹം നിർദേശിക്കുന്നു. ഭൂമിയെന്ന ആസ്തിയെ ടോക്കൺ ചെയ്യുന്നത്, ശരിയായ ലെഡ്ജറുകളും മറ്റ് സംവിധാനങ്ങളുമുപയോഗിച്ച് അത് നടത്തുന്നത് വലിയൊരു പരിഷ്കാരമാകും എന്ന് അദ്ദേഹം അർക്കം വെഞ്ചേഴ്സ് സംഘടിപ്പിച്ച ഒരു പൊതു ചടങ്ങിൽ പ്രസംഗിക്കുമ്പോൾ പറഞ്ഞു. ‘ഓരോ ഭൂഭാഗവും ടോക്കൺ ചെയ്യാനാകും, പിന്നീട് അതിന് വളരെ എളുപ്പത്തിൽ വ്യാപാര മൂല്യവും ലഭിക്കും.’ അദ്ദേഹം എശിലേൃില േആശയം അവതരിപ്പിച്ച് ഭൂമിയുടെയും മറ്റ് ആസ്തികളുടെയും ടോക്കണൈസേഷന് വഴി ഇന്ത്യയുടെ സാമ്പത്തിക വളർച്ചയ്ക്ക് വഴി തെളിക്കാൻ കഴിയും എന്ന നിലപാടിലാണ്.

 

ലാൻഡ് ടോക്കണൈസേഷൻ (Land Tokenization) എന്നത് ഭൂമിയെ ഒരു ഡിജിറ്റൽ ആസ്തിയായി (digital asset) മാറ്റുന്ന ഒരു നൂതന സാങ്കേതിക പ്രക്രിയയാണ്. ഇത് ബ്ലോക്ക്ചെയിൻ (blockchain) എന്ന സാങ്കേതികതയുടെ സഹായത്തോടെ നടപ്പാക്കപ്പെടുന്നു. ഇതിലൂടെ ആ ഭൂമിയുടെ ഉടമസ്ഥാവകാശം മുഴുവൻ അല്ലെങ്കിൽ ഭാഗികമായി ബ്ലോക്ക്ചെയിൻ വഴി കൈമാറാനാകും. അതായത്, ആ ഭൂമിയുടെ ഉടമസ്ഥാവകാശം ഇപ്പോൾ ഡിജിറ്റൽ ടോക്കണുകൾ ആയാണ് പ്രതിനിധീകരിക്കുന്നത് എന്നർത്ഥം. അതിന്റെ അടിസ്ഥാനത്തിൽ ഒരു ടോക്കൺ (token) സൃഷ്ടിക്കുന്നു  ഭൂമിയുടെ ഉടമസ്ഥാവകാശത്തെ പ്രതിനിധീകരിക്കുന്ന ഡിജിറ്റൽ ആസ്തി. ഈ ടോക്കൺ ബ്ലോക്ക് ചെയിനിൽ സൂക്ഷിക്കപ്പെടുന്നു, അതായത് ഇതിന് മാറ്റം വരുത്താനാവില്ലെന്നും, തികച്ചും Transparent ആണെന്നും ഉറപ്പുണ്ടാകും. ലളിതമായി പറഞ്ഞാൽ നമുക്ക് ഒരു 50 ലക്ഷം രൂപ വില വരുന്ന ഭൂമി എടുത്തു നോക്കാം. അതിനെ 5,000 ടോക്കണുകളായി വിഭജിച്ചാൽ ഓരോ ടോക്കണിനും വില 1,000 രൂപയായിരിക്കും. നിക്ഷേപകർക്ക് ആ ടോക്കൺ വാങ്ങാം. ഭൂമിയിൽ കൃഷി, വാടക, കെട്ടിടം തുടങ്ങിയവയിലൂടെ വരുമാനം ഉണ്ടാകുമ്പോൾ അത് ടോക്കൺ ഉടമകൾക്ക് അവരുടെ ഓഹരിക്കാനുപതികമായി ലഭിക്കുകയും ചെയ്യും. ഇവിടെ ഉടമസ്ഥാവകാശവും ട്രാൻസാക്ഷനുകൾ സേവ് ചെയ്യുന്ന സാങ്കേതികത വിദ്യയുമായി ഉപയോഗിക്കപ്പെടുന്നത് ബ്ലോക്ക് ചെയിൻ ടെക്നോളജിയായിരിക്കും.

 

നിലവിൽ ഗുജറാത്തിലെ ഗാന്ധി നഗറിലെ ഗിഫ്റ്റ് സിറ്റിയിൽ ഇന്ത്യയിലെ ആദ്യത്തെ റെഗുലേറ്ററിയായിട്ടുള്ള റിയൽ എസ്റ്റേറ്റ് ടോക്കണൈസേഷൻ പ്ലാറ്റ്ഫോം അവിടെ ടെസ്റ്റ് ചെയ്യപ്പെട്ട് കൊണ്ടിരിക്കുന്നുണ്ട്. ആന്ധ്രപ്രദേശിലും മഹാരാഷ്ട്രയിലും ലാൻഡ് റിക്കോർഡുകളെ ബ്ലോക്ക് ചെയിനിലേക്ക് മാറ്റുന്ന സാങ്കേതിക വിദ്യ പരീക്ഷിച്ച് കൊണ്ടിരിക്കുന്നുണ്ട്.

 

നന്ദൻ നിലേക്കനിയുടെ അഭിപ്രായത്തിൽ ഇന്ത്യക്കാരുടെ ആസ്തിയുടെ 50 ശതമാനവും ഭൂമിയിലാണ്.  എന്നാൽ ഇത് വിറ്റ് ലിക്വിഡ് പണമാക്കി മാറ്റുകയെന്നത് ഏറെ ശ്രമകരമായ ഒരു പ്രക്രിയയാണ്. ഉദാഹരണമായി ഒരു വ്യക്തിക്ക് ഒരേക്കർ ഭൂമി ഉന്നെിരിക്കട്ടെ. അദ്ദേഹത്തിന് പുതൊയൊരു സംരംഭം തുടങ്ങുവാൻ 10 ലക്ഷം രൂപയാവശ്യമുന്നെ് കരുതുക. ഈ സ്ഥലത്തിന്റെ ആധാരവുമായി ബാങ്കിൽ പണയം വെക്കുവാൻ പോകേി വരും. ഭൂമിയുടെ ആധാരമുൾപ്പെടെ പല രേഖകളും ഹാർഡ് കോപ്പിയായിത്തന്നെ നൽകേി വരും. പല രേഖകളും സംഘടിപ്പിച്ച് കൊടുക്കുവാൻ ദിവസങ്ങൾ എടുത്തേക്കാം. ഇവിടെയാണ് ലാൻഡ് ടോക്കണൈസേഷൻറെ പ്രസക്തി. ഭൂമിയുടെ ഉടമസ്ഥാവകാശം ഡിജിറ്റലൈസ് ചെയ്തിട്ടുാകും. 1മരൃല ഭൂമി 1000 ടോക്കണുകളായി മാറ്റുന്നു (ഒരൊറ്റ ടോക്കൺ 11 sq.m. പ്രതിനിധീകരിക്കുന്നു). കൈയ്യിലുള്ള ടോക്കൺ ബാങ്കിൽ നൽകി ആവശ്യമുള്ള പൈസ വാങ്ങിക്കാം. മുഴുവൻ വസ്തുവും പണയപ്പെടുത്തുകയോ വിൽക്കുകയോ ചെയ്യേണ്ടി വരികയില്ല. കാലതാമസം കൂടാതെ തന്നെ ഇടപാട് നടത്തുവാൻ കഴിയുന്നു. ഇവ ഭൗതീക രേഖകളല്ല. ബാങ്ക് സുരക്ഷിതമായി ടോക്കണുകൾ കൈവശം വയ്ക്കുന്നു. സമയത്ത് തിരിച്ചടച്ചാൽ ടോക്കണുകൾ തിരികെ വാങ്ങുവാനും കഴിയുന്നു.

 

ആദ്യമായി ചെയ്യേണ്ടത് ഭൂമിയുടെ ഉടമസ്ഥാവകാശം കൃത്യമാണോയെന്ന് ഉറപ്പ് വരുത്തുകയെന്നതാണ്. നികുതിയടച്ചതിന്റെ രേഖകളും കൈവകാവകാശ രേഖകൾ പോലുള്ളവയും പരിശോധിച്ച് ഇത് ഉറപ്പ് വരുത്തുകയാണ് ആദ്യം ചെയ്യേണ്ടത്. ഭൂമിയിൽ തിരുത്തലുകളോ മറ്റ് തർക്കങ്ങളോ ഇല്ലാതിരിക്കുവാൻ ശ്രദ്ധിക്കേണ്ടതുണ്ട്. ഭൂരേഖയുടെ ഉടമസ്ഥാവകാശം കൃത്യമായ ഒരു Private Limited Company അല്ലെങ്കിൽ Trust ലേക്ക് മാറ്റേണ്ടതുണ്ട്. ഈ Entryയിലെ ഓഹരികളാണ് പിന്നീടുള്ള ടോക്കണുകൾ ആകുക. ഒപ്പം SEBI (Securities & Exchange Board of India)യുടെ നിയമങ്ങളും മനസ്സിലാക്കേണ്ടതുണ്ട്. തുടർന്നാണ് ഭൂമിയുടെ വിവരങ്ങൾ ഡിജിറ്റലായി മാറ്റേണ്ടത്. ഭൂമിയുടെ നിർദ്ദിഷ്ട വിവരങ്ങൾ ആയ ലാറ്റിറ്റിയൂഡ്/ലോങിറ്റിയൂഡ് (GPS Co-ordinates) റവന്യു രേഖകൾ, സർവേ നമ്പറുകൾ, പട്ടയങ്ങൾ, ഭൂരേഖയുടെ സ്കാൻ, ഫോട്ടോ തുടങ്ങിയവയൊക്കെ Inter Planetary File System (IPFS) പോലുള്ള Decentralized Storage സുരക്ഷിതമായി സൂക്ഷിക്കാം.

 

ബ്ലോക്ക്ചെയിൻ & ടോക്കൺ തിരഞ്ഞെടുക്കുകയാണ് അടുത്തതായി ചെയ്യേണ്ടത്. ഭൂരേഖയുടെ ഉടമസ്ഥാവകാശം പ്രതിനിധീകരിക്കുന്ന ടോക്കൺ ഏത് ബ്ലോക്ക്ചെയിനിൽ വേണം എന്നത് തീരുമാനിക്കുക. Ethereum (ഏറ്റവും ജനപ്രിയമായ പ്ലാറ്റ്ഫോം). ERC-721 (NFT) അല്ലെങ്കിൽ ERC-1155 ടോക്കണുകൾ ഉപയോഗിച്ചാണ് ഇവിടെ ലാൻഡ് ടോക്കൺസ് സൃഷ്ടിക്കുന്നത്. Polygon (Matic) Ethereumൽ നിന്നുള്ള low-cost alternative. Binanace Smart Chain (BSC) (Scalability & Cheaper and faster transactions). Algorand (High-speed, low-cost, Used in projects for real-world asset tokenization), Tezos (Focus on compliance & formal verification, Preferred by projects looking for legally compliant land tokenization. Avalanche (Highly scalable, Subnet works can be created- useful for region-specific land records) Cardano (Built for real-world use cases, Collaborated with governments (eg., Ethiopia) for land registry). ഇങ്ങനെ ഏതെങ്കിലും തിരഞ്ഞെടുക്കാം.

 

ടോക്കൺ ഒരു വ്യക്തിയുടെ ഡിജിറ്റൽ ഉടമസ്ഥാവകാശം ആയി ബ്ലോക്ക്ചെയ്നിൽ രജിസ്റ്റർ ചെയ്യുന്നു. തുടർന്ന് സ്മാർട്ട് കോൺട്രാക്റ്റ് എഴുതുകയാണ് ചെയ്യേണ്ടത്. ഭൂരേഖയുടെ ഉടമസ്ഥാവകാശം അതിലൂടെയാണ് കൈമാറുക. അതായത് ഇനി അതേ ഭൂപ്രദേശം മറ്റൊരാൾക്ക് വിൽക്കണമെങ്കിൽ, സ്മാർട്ട് കോൺട്രാക്റ്റ് ഉപയോഗിച്ച് automatic ആയി,record-accurate ആയി ട്രാൻസ്ഫർ ചെയ്യും. ഉദാഹരണമായി രമേശ് എന്ന വ്യക്തിക്ക് തൃശൂരിൽ 10 സെൻറ് ഭൂമി ഉണ്ടെന്ന് കരുതുക, അദ്ദേഹം തന്റെ ഭൂമിയുടെ ഡിജിറ്റൽ രേഖകൾ IPFS-ൽ (Inter Planetary File System) സൂക്ഷിച്ചിരിക്കുന്നു എന്നും ബ്ലോക്ക് ചെയിനിൽ സ്മാർട്ട് കോൺട്രാക്റ്റ് സെറ്റ് ചെയ്തിട്ടുണ്ട് എന്നും കരുതുക. അതായത് ഭൂമി ഇപ്പോൾ ഒരു നമ്പറുള്ള ലാൻഡ് ടോക്കൺ ആയി മാറിയിരിക്കുന്നു. ആ ലാൻഡ് ടോക്കൺ രമേശിന്റെ വിലാസത്തിൽ ആണ്. ഇനി ഇതേ 10 സെന്റ് ഭൂമി സുരേഷിന് വാങ്ങണമെന്ന് കരുതുക. സുരേഷ് ബാങ്ക് വഴിയോ ക്രിപ്റ്റോ വഴിയോ പണമയച്ചാൽ സ്മാർട്ട് കോൺട്രാക്റ്റ് സ്വയം പരിശോധിക്കും. ഉടമയുടെ അനുവാദമമുണ്ടോ, പണം വന്നോ എന്നൊക്കെ. എല്ലാം ശരിയാണെങ്കിൽ സ്മാർട്ട് കോൺട്രാക്റ്റ് സ്വയം ആ ലാൻഡ് ടോക്കൺ സുരേഷിന് ട്രാൻസ്ഫർ ചെയ്യും.

 

നന്ദൻ നിലേക്കനി പറയുന്നത് ഇതിന്റെ ഏറ്റവും വലിയ ഗുണമെന്നത് അൺലോക്കിങ്ങ് ക്രെഡിറ്റ് ആണെന്നാണ്. അതായത് ഭൂമി പണയം വെച്ചിട്ട് ലോൺ എടുക്കുന്ന പ്രക്രിയ വളരെ എളുപ്പത്തിൽ നടക്കുമെന്നർത്ഥം. വളരെ പെട്ടെന്ന് ഭൂമിയെ പണമാക്കി മാറ്റുവാൻ കഴിയുമെന്നർത്ഥം. അത് പോലെ ഭൂമി വാങ്ങുമ്പോൾ എത്ര ചെറിയ ഫ്രാക്ഷനായിട്ടും വാങ്ങുവാൻ കഴിയും. അതായത് ചെറിയ തുക കൊണ്ട് ഭൂമിയിൽ നിക്ഷേപം നടത്തുവാൻ കഴിയുമെന്നർത്ഥം. ലോകമാകെയുള്ള നിക്ഷേപകർക്ക് ഓൺലൈൻ വഴി ഭൂമി വാങ്ങാൻ കഴിയുന്ന സാഹചര്യം ഇതു മൂലമുണ്ടാകും. ഗ്രാമീണ ഇന്ത്യയെ സംബന്ധിച്ച് ധാരാളം ഭൂമിയുള്ളവരുണ്ടാകും. എന്നാൽ അത് പണയം വെച്ച് ഒരു ലോൺ ലഭിക്കുന്ന സാഹചര്യം ഏറെ ബുദ്ധിമുട്ട് ആകുന്നിടത്ത് ഇത് സഹായകരമായി വന്നേക്കാം. പണയം മാത്രമല്ല വളരെ വേഗം ഭൂമി വിൽക്കുവാൻ കഴിയും.

 

മാത്രമല്ല സർക്കാരിനും ഈ രീതി ഏറെ സുതാര്യമായ ഒന്നാകും. ഓരോ സ്ഥലത്തേയും ലാൻഡ് ആരുടെ കൈവശമാണ്, എത്ര ടോക്കണുകൾ ആരുടെയൊക്കെ കൈവശമാണെന്നുള്ള ഡേറ്റാ ബേസ് കൈയ്യിലുള്ളത് നികുതി പിരിക്കുവാൻ ഏറെ സഹായകരമാകുന്നയൊന്നാണ്. നഗരാസൂത്രണം നടക്കുമ്പോൾ, വലിയ സർക്കാർ പ്രൊജക്ടുകളൊക്കെ വരുമ്പോഴാണ് ഇതിന്റെ ഗുണം കാണുവാൻ കഴിയുക. ഓരോ പ്രദേശത്തും എത്ര ഭൂമിയുണ്ട്. അതിന്റെ ഉടമസ്ഥത ആർക്കൊക്കെയാണ്, എത്ര രൂപ കൊടുത്ത് ആൾക്കാരെ ഒഴിപ്പിക്കേണ്ടി വരുമെന്നൊക്കെ വളരെയെളുപ്പത്തിൽ കണക്ക് കൂട്ടുവാൻ കഴിയും.

 

ബാങ്കുകൾക്ക് പുതിയ തരം റിസ്ക്-ഫ്രീ ലോൺ മോഡലുകൾ സ്ഥാപിക്കാം. ലോണുകൾ pre-approved smart contracts  വഴി അനുവദിക്കും  അതായത്, ഗുണഭോക്താവിന് കോഡ് എഴുതിയ നിയമത്തിന്റെ അടിസ്ഥാനത്തിൽ വായ്പ ലഭിക്കും. ബാങ്ക് ഇനി ചെറുകിട വായ്പ നൽകുമ്പോൾ, ടോക്കണൈസ് ചെയ്ത ആസ്തികൾ (land tokens, invoice tokens etc) സ്വീകരിക്കും. അതിനാൽത്തന്നെ ഭൂമിയുള്ള ചെറുകിട സംരംഭകർക്ക് വായ്പയെടുക്കുന്നത് താരതമേന്യ എളുപ്പമായി മാറും.

 

ലാൻഡ് ടോക്കണൈസേഷൻ വഴി കിട്ടുന്ന പ്രധാനമായ ബിസിനസ് അവസരങ്ങൾ നമുക്ക് വലിയ തോതിൽ ആണുള്ളത്  tech മേഖലയിൽ, real estate, legal, even local governance വരെ. ലാൻഡ് ടോക്കണൈസേഷൻ (Land Tokenization) എന്നത് ഭൂമിയെ ബ്ലോക്ക്ചെയ്ൻ ടെക്നോളജിയുടെ സഹായത്തോടെ ഡിജിറ്റൽ ടോക്കണുകളായി മാറ്റുന്നതാണ്. ഈ ടോക്കണുകൾക്ക് ഉടമസ്ഥാവകാശം, വാടക, ലാഭവിഹിതം തുടങ്ങിയവയെ പ്രതിനിധീകരിക്കാൻ കഴിയും. ഇത് റിയൽ എസ്റ്റേറ്റ് മേഖലയിലൊരു വിപ്ലവം തന്നെ ആകുന്നു. ഒരാളിൽ നിന്നല്ല, പലരിൽ നിന്ന് നിക്ഷേപം സ്വീകരിക്കാൻ കഴിയും. അതായത്, ചെറിയ നിക്ഷേപങ്ങൾ സ്വീകരിച്ച് വലിയ റിയൽ എസ്റ്റേറ്റ് ഡീൽ നടക്കാൻ ഇടവരുന്നു. ബിസിനസ് മോഡൽ പ്ലാറ്റ്ഫോം നിർമ്മിച്ച് ചെറിയ നിക്ഷേപകരെ റിയൽ എസ്റ്റേറ്റിലേക്ക് ആകർഷിക്കുവാൻ കഴിയും. ഇത് സ്റ്റോക്ക് മാർക്കറ്റ് പോലെ പ്രവർത്തിക്കും. ഒറ്റൊറ്റ ടോക്കണുകൾ പോലും വാങ്ങി വിറ്റ് ലാഭം ഉണ്ടാക്കുവാൻ കഴിയും.

 

ടോക്കണൈസേഷൻ പ്ലാറ്റ്ഫോമുകൾക്ക് വേണ്ട റിയൽ എസ്റ്റേറ്റ് ഡാറ്റാ അനലിറ്റിക്സ്, മാർക്കറ്റ് ട്രെൻഡുകൾ തുടങ്ങിയവയിലെ സേവനങ്ങൾ ഒരു ബിസിനസ്സ് ആയി ഉയർന്ന് വരാം. ടോക്കണൈസേഷനുമായി ബന്ധപ്പെട്ട നിയമപരമായ പിന്തുണ, due diligence, smart contract drafting തുടങ്ങിയ സേവനങ്ങൾ ഒരു ബിസിനസ്സ് ആയി മാറാം. റിയൽ എസ്റ്റേറ്റ് ടോക്കൺ പ്ലാറ്റ്ഫോമുകൾക്ക് വേണ്ട സാങ്കേതിക സേവനങ്ങൾ നൽകുന്ന സ്റ്റാർട്ടപ്പുകൾ മറ്റൊരു സാധ്യതയാണ്. ടോക്കണൈസ് ചെയ്യേണ്ടതെങ്ങനെയെന്ന് ഭൂമി ഉടമകൾക്കും റിയൽ എസ്റ്റേറ്റ് കമ്പനികൾക്കും മാർഗനിർദ്ദേശം നൽകുന്ന കൺസൾട്ടിങ്ങ് പരിഗണിക്കപ്പെടാവുന്ന ഒരവസരമാണ്. ബ്ലോക്ക് ചെയിൻ ഇന്റഗ്രേഷൻ, ഹോളിസ്റ്റിക് പ്ലാറ്റ്ഫോം തുടങ്ങിയവയൊക്കെ നൽകുന്ന നിരവധി സ്റ്റാർട്ടപ്പുകൾ ഏറെ ഉടലെടുക്കുവാൻ സാധ്യതയുണ്ട്.

 

ഐ ഐ ടി മദ്രാസിലെ ഒരു അലുമിനിയും ബിസിനസ് മാഗ്നറ്റും ഇന്ത്യയിലെ മുൻനിര സോഫ്റ്റ് വെയർ കമ്പനിയായ സോഹോ കോർപ്പറേഷന്റെ സ്ഥാപകനും മുൻ ചീഫ് എക്സിക്യൂട്ടീവ് ഓഫീസറുമായ ശ്രി. ശ്രീധർ വെമ്പു നന്ദൻ നിലേക്കനിയുടെ ലാൻഡ് ടോക്കണൈസേഷനെ വിമർശിച്ച് കൊണ്ട് രംഗത്തെത്തിയത് ഏറെ ശ്രദ്ധ നേടിയിട്ടുണ്ട്. നന്ദൻ നിലേക്കനിയുടെ കാഴ്ചപ്പാട് ഇന്ത്യയുടെ ഭൂസ്വത്തിനെ സാമ്പത്തികമായി വിനിയോഗിക്കാവുന്ന രൂപത്തിൽ മാറ്റുക എന്നുള്ളതാണ്. നിലവിൽ ഇന്ത്യയിലെ ആസ്തികളുടെ 50% ഭൂമിയിലാണ്, എന്നാൽ ഉടമസ്ഥാവകാശവുമായി ബന്ധപ്പെട്ട അനിശ്ചിതത്വം കാരണം അത് വില്പനയ്ക്കോ വായ്പയ്ക്കോ ഉപയോഗിക്കാൻ കഴിയുന്നില്ലെന്ന് നിലേക്കനി പറയുന്നു. ബ്ലോക്ക്ചെയിനിൽ അടിസ്ഥാനമാക്കിയുള്ള ഭൂമിയുടമസ്ഥാവകാശ രേഖകൾ ഉപയോഗിച്ച് കൂടുതൽ വ്യക്തതയും, ഇടപാടുകളുടെ തെളിച്ചവും നൽകാനാകും എന്ന് അദ്ദേഹം വിശ്വസിക്കുന്നു. എന്നാൽ ശ്രീധർ വെമ്പു ഈ ആശയത്തെ ‘Fundamental Axiom of Financialization’ എന്നാണ് വിളിക്കുന്നത്. അതായത് ഓരോ ആസ്തിയും ലിക്വിഡ് ആക്കുന്നത് വളർച്ചയ്ക്ക് ഇടയാക്കുമെന്ന് കരുതുന്ന ഒരു അടിസ്ഥാന തത്വം. ഭൂപ്രകൃതിയെ ടോക്കൺ ആക്കിയാൽ ഉടമസ്ഥാവകാശം ഡിജിറ്റൽ ആകും, അതിനായി കച്ചവടം സാധ്യമാകും, വായ്പയ്ക്കും ഉപയോഗിക്കാം എന്നത് സത്യമാണ്. പക്ഷേ, ഇതിന്റെ പിന്നിൽ ‘ലാഭം മാത്രം നോക്കുന്ന സാമ്പത്തിക  കളികൾ’ നടക്കാനിടയുണ്ട്. എന്നതാണ് അദ്ദേഹത്തിന്റെ കാഴ്ചപ്പാട്. ഉടമസ്ഥരുടെ പിഴവിൽ നിന്ന് ഗ്രാമീണ ഇന്ത്യയുടെ ഭൂമി അവരിൽനിന്ന് കോർപ്പറേറ്റുകളിലേക്ക് മാറ്റപ്പെടാനുള്ള സാധ്യതയെ അദ്ദേഹം ഭയപ്പെടുന്നുണ്ട്. അതായത് ഈ ലിക്വിഡിറ്റി വർദ്ധന, പ്രത്യേകിച്ച് സാമൂഹികമായി നിസ്സഹായരായ വ്യക്തികൾക്കിടയിൽ, ചൂഷണത്തിനും നഷ്ടങ്ങൾക്കും വഴി വെക്കാമെന്ന്. മദ്യപാനത്തിനും മറ്റ് ആസക്തികൾക്കുമടിമപ്പെട്ട വ്യക്തികൾ തങ്ങളുടെ ഭൂമി താൽക്കാലിക ലാഭത്തിന് വേണ്ടി വിറ്റ് നശിപ്പിക്കുന്നയൊരു സാഹചര്യം സംജാതമാവുകയും ഇത് ആദിവാസികളുടേയും മറ്റും ഭൂമി അവർക്ക് നഷ്ടപ്പെടുവാനുള്ള തലത്തിലേക്ക് കാര്യങ്ങളെത്തിക്കുകയും ചെയ്യുമെന്നാണ് അദ്ദേഹം പറയുന്നത്. 

 

നന്ദൻ നിലേക്കനിയുടെ നിർദ്ദേശത്തിൽ, ഇന്ത്യയിലെ ലക്ഷക്കണക്കിന് ഭൂമിയുടമകൾക്ക് അവരുടെ ആസ്തികളുടെ മൂല്യം തുറന്ന് ഉപയോഗിച്ച് ബിസിനസ്സുകൾ തുടങ്ങാനും, തൊഴിലവസരങ്ങൾ സൃഷ്ടിക്കാനും, സാമ്പത്തിക നില മെച്ചപ്പെടുത്താനും കഴിയുന്ന ഒരു ആകർഷകമായ സമ്പദ്വ്യവസ്ഥയുടെ ദർശനമുണ്ട്. ഇന്ത്യയുടെ ഭൂമിസമ്പത്ത് ഡിജിറ്റൽ രൂപത്തിലേക്ക് മാറ്റി സാമ്പത്തിക ഉല്പാദനത്തിന് ഉപയോഗിക്കാമെന്നതിനുള്ള ഒരു വിപ്ലവാത്മക സമീപനമാണിത്. പക്ഷേ, ശ്രീധർ വെമ്പുവിന്റെ മുന്നറിയിപ്പ് നമ്മെ ഓർമ്മിപ്പിക്കുന്നത് സാമ്പത്തിക ഉൾപ്പെടുത്തലിലേക്കും നവീകരണത്തിലേക്കുള്ള യാത്ര വളരെ സൂക്ഷ്മമായി നിയന്ത്രിക്കപ്പെടേണ്ടതുണ്ടെന്നാണ്. അതു ചെയ്യാതിരുന്നാൽ, ഭൂമിയെ ലിക്വിഡ് ആസ്തിയാക്കി മാറ്റുന്ന പ്രക്രിയ, സമൂഹത്തിലെ നിസ്സഹായരായ വിഭാഗങ്ങളെ കൂടുതലായി അപകട സാധ്യതയിലാക്കാനിട വരും എന്ന് തന്നെയാണ്. ഈ ആശയം നടപ്പിലാക്കുമ്പോൾ അതിന്റെ സാമ്പത്തിക, സാമൂഹിക, നൈതിക മൂല്യങ്ങളിലുണ്ടാവുന്ന പ്രശ്നങ്ങളേയും അവഗണിക്കരുത് എന്നതാണ്  ശ്രീധർ വെമ്പുവിന്റെ മുന്നറിയിപ്പ്. സാധുതകളെ ആശ്രയിച്ച് മുന്നോട്ട് പോകുമ്പോൾ, അപകട സാധ്യതകളും അതിനോടൊപ്പം പരിഗണിക്കേണ്ടത് അത്യാവശ്യമാണ്. മിതമായ സമീപനവും, ശക്തമായ നിയമരേഖകളും ഇല്ലാതെ നടപ്പിലാക്കിയാൽ, ഈ സാങ്കേതിക പരിഷ്കാരം നിസ്സഹായരെ അപകടത്തിലാക്കാനും, ഭൂമിയുടെ ആസ്തിമൂല്യത്തെ വിപണിയിലെ വേറിട്ട ലാഭാർത്ഥികളികൾക്ക് ഇരയാക്കാനും സാധ്യതയുണ്ട്. അതിനാൽ, ടോക്കണൈസേഷൻ പോലുള്ള വലിയ മാറ്റങ്ങൾ, താത്വികവും പ്രായോഗികവുമായ സംവാദങ്ങൾക്കും വാസ്തവപരമായ പരിശോധനയ്ക്കും വിധേയമാക്കണം. ശക്തമായ റെഗുലേറ്ററി പരിരക്ഷയും, ലഘുനിയമ സംവിധാനവും, പൊതുജന ബോധവത്കരണവും ഉണ്ടായാലേ ഇത് സമുദായത്തിനും സംരംഭകർക്കും ഒരുപോലെ ഗുണകരമാകൂ. പുതുമയേയും പുരോഗതിയേയും ഒരേ സമയം സുസ്ഥിരതയോടെയും സഹാനുഭൂതിയോടെയും ചേർത്ത് ചിന്തിക്കുകയാണെങ്കിൽ, ലാൻഡ് ടോക്കണൈസേഷൻ ഇന്ത്യയുടെ വിപുലമായ ഭൗമസമ്പത്തിനെ ശരിക്കും പ്രവർത്തനക്ഷമമായ സാമ്പത്തിക ആസ്തിയാക്കി മാറ്റുവാൻ കാരണമാകും.