ഓഗ്മെന്റഡ് റിയാലിറ്റിയും ബിസിനസ്സ് സാധ്യതകളും

ലോറൻസ് മാത്യു

ഒരു കാലത്ത് ക്ലാസിൽ നന്നായി പഠിക്കുന്നവർക്ക് ഉന്നത സർക്കാർ ഉദ്യോഗം, കുറച്ച് പേർക്ക് ഗൾഫ്, ഒട്ടും പഠിക്കാത്തവർക്ക് എന്തെങ്കിലും ബിസിനസ്സ് ഈ രീതിയിലായിരുന്നു നമ്മുടെ പൊതു സമൂഹം ചിന്തിച്ചിരുന്നത്. എന്നാലിന്ന് കഥ ഏറെ മാറി ഏറ്റവും നന്നായി പഠിക്കുന്നവർ, ഉന്നത വിദ്യാഭ്യാസം സിദ്ധിച്ചവർ എല്ലാം ബിസിനസിന്റെ ലോകത്തേക്ക് എത്തുന്നു, സ്റ്റാർട്ടപ്പുകൾ ആരംഭിക്കുന്നു. സത്യത്തിൽ ഒന്നിനും കൊള്ളാത്തവരല്ല സംരംഭക ലോകത്തേക്ക് വരേണ്ടത്. ഒരു സർക്കാർ ജോലിക്കാരനേക്കാളേറെ കഴിവുകൾ മാനേജ്മെന്റ് തലത്തിൽ വേണ്ട വ്യക്തിയാവണം ഒരു സംരംഭകൻ. ഒപ്പം ആധുനിക കാലത്തെ ബിസിനസുകളുടെ പ്രത്യേകത അത് സാങ്കേതിക വിദ്യയിൽ ഏറെ അധിഷ്ടിതമായിരിക്കുന്നുവെന്നതാണ്. ഇക്കാലത്ത് ബിസിനസിനെ ഏറെ സ്വാധീനിക്കുന്ന 2 ടെക്നോളജികളാണ് വിർച്വൽ റിയാലിറ്റിയും (VR) ഓഗ്മെൻറഡ് റിയാലിറ്റിയും (AR).

ഇത് രണ്ടും രണ്ട് സാങ്കേതിക വിദ്യയാണ്. വെർച്വൽ റിയാലിറ്റി അഥവാ സാങ്കല്പിക യാഥാർത്ഥ്യം എന്നത് കമ്പ്യൂട്ടർ സൃഷ്ടിക്കുന്ന മായിക ലോകമാണ്. സോഫ്റ്റ്വെയറുകളുടെ സഹായത്താൽ ത്രിമാന സാങ്കേതികത ഉപയോഗിച്ച് നിർമ്മിക്കുന്ന അയഥാർത്ഥ ലോകമാണ് വെർച്വൽ റിയാലിറ്റി. കമ്പ്യൂട്ടർ സ്ക്രീനിലോ, പ്രോജക്ടറിലോ, ശബ്ദ സന്നിവേശത്തോടെ യഥാർത്ഥ ലോകത്തിന്റെ പ്രതീതി ഉളവാക്കുന്ന ഈ സങ്കേതത്തിന് പ്രസക്തിയേറുകയാണ്. കമ്പ്യൂട്ടർ ഇമേജിംഗ്, ഇൻഫോഗ്രാഫി എന്നീ സാങ്കേതികവിദ്യകൾ ഉപയോഗിച്ച് ദൃശ്യ-ശ്രാവ്യമാധ്യമങ്ങൾ മനുഷ്യശരീരത്തിൽ സ്ഥാപിച്ച് ത്രിമാനതലത്തിൽ അയഥാർത്ഥ ലോകത്തിനെ പുന:സൃഷ്ടിക്കുകയാണ് ഇതിന്റെ പ്രവർത്തന തത്വം. കൽപിത യാഥാർത്ഥ്യങ്ങൾ തലയിലെ തൊപ്പി പോലെ സ്ഥാപിച്ചിരിക്കുന്ന ഉപകരണത്തിൽ എത്തുന്നു. യഥാർത്ഥ ലോകത്തിന് സമാനമായ ലോകത്തിലൂടെ കാഴ്ചക്കാരൻ സഞ്ചരിക്കുന്നു. ഒരേ സമയം മിഥ്യയും എന്നാൽ യാഥാർഥ്യമാണെന്ന അനുഭവം തരുന്ന സാങ്കേതിക വിദ്യയാണ് ഇത്. ഒരു പ്രത്യേക തരത്തിലുള്ള അന്തരീക്ഷത്തിലേക്ക് ചില ഉപകരണങ്ങൾ വഴി പ്രൊജക്റ്റ് ചെയ്യപ്പെടുന്ന രൂപങ്ങളാണ് നമുക്ക് വിർച്വൽ റിയാലിറ്റി എന്ന അനുഭവം നൽകുന്നത്. വേഗം എത്താൽ കഴിയാത്ത ഒരു സ്ഥലത്തിൽ മനുഷ്യന് വിർച്വൽ കോൺഫറൻസിംഗ് എന്ന സാങ്കേതിക വിദ്യയിലൂടെ ചെന്നു ചേരാൻ കഴിയുന്നിടം വരെ എത്തി നിൽക്കുകയാണ് കാര്യങ്ങൾ.

എന്താണ് ഓഗ്മെൻറഡ് റിയാലിറ്റി
എന്നാൽ ഓഗ്മെന്റഡ് റിയാലിറ്റി (AR) എന്നത് ഒരു യഥാർത്ഥ ലോക പരിതസ്ഥിതിയുടെ ഒരു സംവേദനാത്മക അനുഭവമാണ്, അവിടെ യഥാർത്ഥ ലോകത്ത് വസിക്കുന്ന വസ്തുക്കൾ കമ്പ്യൂട്ടർ സൃഷ്ടിച്ച പെർസെപ്ച്വൽ വിവരങ്ങളാൽ മെച്ചപ്പെടുത്തുന്നു. അതായത് യഥാർത്ഥ ലോകവും കമ്പ്യൂട്ടറിൽ സൃഷ്ടിച്ചെടുക്കുന്ന ഇമേജും ഒരുമിച്ച് ചേരുകയാണിവിടെ. വിർച്വൽ ലോകത്തെ യഥാർത്ഥ ലോകത്തേക്ക് കൊണ്ട് വരികയാണിവിടെ.

ചിലപ്പോൾ വിഷ്വൽ, ഓഡിറ്ററി, ഹാപ്റ്റിക്, സോമാറ്റോസെൻസറി, ഓൾഫാക്ടറി എന്നിവയുൾപ്പെടെ ഒന്നിലധികം സെൻസറി രീതികൾ ഉപയോഗപ്പെടുത്തുന്നു. മൂന്ന് അടിസ്ഥാന സവിശേഷതകൾ ഉൾക്കൊള്ളുന്ന ഒരു സിസ്റ്റമായി എ ആറിനെ നിർവചിക്കാം: യഥാർത്ഥ, വെർച്വൽ ലോകങ്ങളുടെ സംയോജനം, തത്സമയ ഇടപെടൽ, വെർച്വൽ, യഥാർത്ഥ വസ്തുക്കളുടെ കൃത്യമായ 3 ഡി രജിസ്ട്രേഷൻ മുതലായവ. യഥാർത്ഥ ലോകത്തെക്കുറിച്ചുള്ള ഒരു വ്യക്തിയുടെ ധാരണയുമായി ഡിജിറ്റൽ ലോകത്തിന്റെ ഘടകങ്ങൾ കൂടിച്ചേരുന്ന രീതിയാണ് ഓഗ്മെന്റഡ് റിയാലിറ്റിയുടെ പ്രാഥമിക മൂല്യം എന്ന് പറയുന്നത്. വെർച്വൽ റിയാലിറ്റിയിൽ (VR), യാഥാർത്ഥ്യത്തെക്കുറിച്ചുള്ള ഉപയോക്താക്കളുടെ ധാരണ പൂർണ്ണമായും വെർച്വൽ വിവരങ്ങളെ അടിസ്ഥാനമാക്കിയുള്ളതാണ്. ഓഗ്മെന്റഡ് റിയാലിറ്റിയിൽ (AR) ഉപയോക്താവിന് യഥാർത്ഥ ജീവിതത്തിൽ നിന്ന് ശേഖരിക്കുന്ന ഡാറ്റയ്ക്കുള്ളിൽ കമ്പ്യൂട്ടർ സൃഷ്ടിച്ച അധിക വിവരങ്ങൾ നൽകുന്നു, അത് യാഥാർത്ഥ്യത്തെക്കുറിച്ചുള്ള അവരുടെ ധാരണ വർദ്ധിപ്പിക്കുന്നു. ഉദാഹരണത്തിന്, ആർക്കിടെക്ചറിൽ, ഒരു പുതിയ കെട്ടിടത്തിന്റെ ഉള്ളിൽ ഒരു വാക്ക്-ത്രൂ സിമുലേഷൻ സൃഷ്ടിക്കാൻ വി ആർ (VR) ഉപയോഗിക്കാം; ഒരു യഥാർത്ഥ ജീവിത കാഴ്ചയിൽ ഒരു കെട്ടിടത്തിന്റെ ഘടനകളും സിസ്റ്റങ്ങളും സൂപ്പർ-ഇംപോസ് ചെയ്തിരിക്കുന്നത് കാണിക്കാൻ എ ആർ (AR) ഉപയോഗിക്കാനാകും.

അടിസ്ഥാന ഘടകങ്ങൾ
AR, ഉപകരണങ്ങളുടെ ക്യാമറകൾ, സെൻസറുകൾ എന്നിവയുടെ സഹായത്തോടെ, യാഥാർത്ഥ്യ ലോകത്തെ സജീവമായി നിരീക്ഷിക്കുന്നു. ക്യാമറയും സെൻസറുകളും ശേഖരിച്ച വിവരങ്ങളെ പ്രോസസ്സ് ചെയ്ത്, യഥാർത്ഥ ലോകത്തിന് നേരെ ഡിജിറ്റൽ ലെയറുകൾ ചേർക്കുന്നു. തുടർന്ന് സ്ക്രീൻ, ഹെഡ്സെറ്റുകൾ, ഗ്ലാസുകൾ, മറ്റ് ഡിസ്പ്ലേ സാങ്കേതികവിദ്യകൾ വഴി, ശേഖരിച്ച വിവരങ്ങൾ, ഗ്രാഫിക്സ്, ആനിമേഷനുകൾ ആയി പ്രദർശിപ്പിക്കുന്നു.

ബിസിനസ്സ് സാധ്യതകൾ
ആധുനിക ബിസിനസ്സിൽ ഓഗ്മെൻറഡ് റിയാലിറ്റിയുടെ സാധ്യതകൾ നിരവധിയാണ്. റീടെയിൽ മേഖലയിൽ കൂടുതൽ മെച്ചപ്പെട്ട കസ്റ്റമർ സേവനം ഇതിലൂടെ സാധ്യമാണ്. ഉദാഹരണത്തിന് തുണിത്തരങ്ങൾ അത് ഇട്ട് നോക്കുന്നതിന് മുന്നേ ധരിച്ചാൽ എങ്ങനെയാകുമെന്ന് മുൻകൂട്ടി അറിയുവാൻ സാധിക്കും. ഫർണീച്ചറുകളൊക്കെ അത് വീട്ടിൽ ഇട്ട് നോക്കുന്നതിന് മുന്നേ തന്നെ അത് ഇട്ടാൽ എങ്ങനെ ഉണ്ടാകുമെന്ന് അറിയുവാൻ ഇത് വഴി കഴിയും. അതായത് ഒരുൽപ്പന്നം അത് വാങ്ങുന്നതിന് മുന്നേ ഉപയോഗിച്ചാൽ എങ്ങനെ ആകുമെന്ന് ഉപഭോക്താവിന് മനസ്സിലാക്കുവാൻ ഇത് വഴി സാധ്യമാണ്.

വിദ്യാഭ്യാസം ടീച്ചിങ്ങിൽ നിന്ന് ലേണിങ്ങിലേക്ക് മാറിയിരിക്കുന്ന ഇക്കാലഘട്ടത്തിൽ ഈ സാങ്കേതിക വിദ്യക്ക് ഏറെ പ്രസക്തിയുണ്ട്. 3 ഡി മോഡലുകളുപയോഗിച്ച് പഠനം ഏറെ ആസ്വാദ്യകരമാക്കി മാറ്റുുവാൻ കഴിയും. മാത്രമല്ല ചരിത്രം പഠിക്കുന്നവർക്ക് ഈജിപ്ഷ്യൻ പിരമിഡോ, താജ്മഹലോ എന്തായാലും നേരിട്ട് കാണുന്ന രീതിയിൽ കണ്ട് മനസ്സിലാക്കുവാൻ ഇത് വഴി സാധ്യമാണ്. അഞ ടെക്നോളജി ഉപയോഗിച്ച്, വിജ്ഞാനപരമായ വിവരങ്ങൾ സത്യം പോലെ അനുഭവപ്പെടുത്താം. വിദ്യാർത്ഥികൾക്ക് ശാസ്ത്രപരമായ പരീക്ഷണങ്ങൾ, ഭൗതിക സംഭവങ്ങൾ തുടങ്ങിയവ യാഥാർത്ഥ്യമായി കണ്ടു പഠിക്കാം. ഇത് വിദ്യാഭ്യാസ മേഖലയിൽ നൂതനമായ സ്റ്റാർട്ടപ്പുകൾക്ക് വഴിമരുന്നിടുവാൻ സഹായകരമാകും.

പ്രോഡക്ട് ഡിസൈൻ മേഖലയിൽ ഏറെ മാറ്റങ്ങൾ വരുത്തുവാൻ കഴിയുന്നയൊരു സാങ്കേതിക വിദ്യയാണ് ഓഗ്മെൻറഡ് റിയാലിറ്റി. AR സാങ്കേതിക വിദ്യ പ്രോട്ടോടൈപ്പുകൾക്ക് രൂപം നൽകാൻ സഹായിക്കുന്നു, ഇത് നിർമ്മാണത്തിന് മുമ്പ് ഡിസൈനിലെ പിഴവുകൾ കണ്ടെത്തുവാൻ സഹായകരമായി വർത്തിക്കുന്നു. ഇത് ഡിസൈൻ പ്രൊസസ്സ് കൂടുതൽ യാഥാർത്ഥ്യപദം ആയി മാറ്റുന്നു. ഉപഭോക്താക്കൾക്ക് തങ്ങളുടെ ഉൽപ്പന്നങ്ങൾ അഞ ഉപയോഗിച്ച് കസ്റ്റമൈസ് ചെയ്യുവാൻ കഴിയും.

ലോജിസ്റ്റിക് രംഗത്ത് ഈ സാങ്കേതിക വിദ്യക്ക് ഏറെ പ്രാധാന്യമുണ്ട്. AR ഉപയോഗിച്ച്, സ്റ്റോക്ക് ഇനങ്ങൾ, ലേബലുകൾ, തുടങ്ങിയവ യഥാർത്ഥത്തിൽ കൂടുതൽ വ്യക്തമായി കാണാൻ കഴിയും. AR ഹെഡ്സറ്റുകൾ അല്ലെങ്കിൽ മൊബൈൽ ഡിവൈസുകൾ വഴി, ഉദ്യോഗസ്ഥർക്ക് സ്റ്റോക്ക് ലൊക്കേഷനുകൾ, ക്വാളിറ്റി, സ്റ്റോറേജ് വിവരങ്ങൾ തുടങ്ങിയവ എളുപ്പത്തിൽ ആക്സസ് ചെയ്യാവുന്നതാണ്. വലിയ ഗോഡൗണുകൾ, ചരക്കിടങ്ങൾ, തുടങ്ങിയവയിൽ വസ്തുക്കൾ എളുപ്പത്തിൽ കണ്ടെത്താൻ AR സാങ്കേതിക വിദ്യ ഉപയോഗിക്കാം. AR മാർക്കറുകൾ, arrows സിഗ്നൽസ് എന്നിവ ഉപയോഗിച്ച്, ജീവനക്കാർക്ക് വസ്തുക്കളുടെ സ്ഥാനം എളുപ്പത്തിൽ കണ്ടുപിടിക്കാനും അവിടെ എത്തുവാനും സഹായിക്കും.

ആരോഗ്യ മേഖലയിൽ ഈ സാങ്കേതിക വിദ്യക്ക് ഏറെ സാധ്യതകളുണ്ട്. ഇന്നിപ്പോൾ റോബോട്ടിക് സർജറിയുടെ കാലഘട്ടമാണ്. AR ഗ്ലാസ്സ് അല്ലെങ്കിൽ ഹെഡ്സെറ്റുകൾ ഉപയോഗിച്ച് ശസ്ത്രക്രിയയുടെ അനന്തര അവലോകനം, അവയവങ്ങളുടെ സ്ഥാനം, രക്തവാഹിനികൾ എന്നിവയെ കുറിച്ച് സംവേദനാത്മകമായ വിവരങ്ങൾ നൽകുന്നു. ഇത് ശസ്ത്രക്രിയയുടെ കൃത്യതയും സുരക്ഷിതത്വവും മെച്ചപ്പെടുത്തുന്നു. AR, എക്സറെകളെ, CR സ്കാനുകൾ, MRI ഫോട്ടോകൾ എന്നിവയെ 3D മോഡലുകളിലേക്കും വളർന്നിരിക്കുന്ന ഈ ഫോട്ടോകളുടെ സങ്കേതാത്മകമായ വിശകലനത്തിലേക്കും മാറ്റുന്നു. അഞ ടെക്നോളജിയുടെ സഹായത്തോടെ, സാംപിളുകൾ പരിശോധിക്കൽ, ഓൺലൈൻ കണക്ഷനുകൾക്കൊപ്പം വിവരങ്ങൾ ശേഖരിക്കൽ എന്നിവ എളുപ്പത്തിലാക്കാം. ചുരുക്കത്തിൽ ഈ സാങ്കേതിക വിദ്യയുടെ സഹായത്തോടെ, മെഡിക്കൽ രംഗത്ത് കൂടുതൽ സത്യസന്ധമായ, എളുപ്പത്തിൽ പ്രയോഗിക്കാവുന്ന, അത്യാധുനികമായ പരിചരണം നൽകാൻ കഴിയും. ഇത്, രോഗികളുടെ ചികിത്സയും, ഡോക്ടർമാരുടെ പ്രവർത്തനങ്ങളും കൂടുതൽ കൃത്യമായും കാര്യക്ഷമമായും നിർവ്വഹിക്കാൻ സഹായിക്കുന്നു.

ഭക്ഷ്യ സംസ്കരണ വ്യവസായ മേഖലയിലും ഈ സാങ്കേതിക വിദ്യക്ക് ഏറെ സാധ്യതകളുണ്ട്. ഫുഡ് പ്രോസസിങ്ങിന്റെ വിവിധ ഘട്ടങ്ങളിൽ കാര്യക്ഷമത, കൃത്യത, സുരക്ഷിതത്വം എന്നിവ മെച്ചപ്പെടുത്താൻ ഇത് മൂലം കഴിയും. അഞ, ബ്ലോക്ക്ചെയിൻ സാങ്കേതികവിദ്യ എന്നിവയുടെ സഹായത്തോടെ, ഫുഡ് സപ്ലൈ ചെയിൻ, ട്രാക്കബിലിറ്റി, ക്വാളിറ്റി അനലിസിസ് എന്നിവയെ കൂടുതൽ കാര്യക്ഷമമായി നിർവ്വഹിക്കുവാൻ കഴിയും.

ഏതൊരു സ്ഥാപനത്തിന്റെയും മാർക്കറ്റിങ്ങും സെയിൽസും കൂടുതൽ കാര്യക്ഷമമായി നിർവ്വഹിക്കുവാൻ ഈ സാങ്കേതിക വിദ്യ വഴി സാധ്യമാണ്. ഉപഭോക്താക്കളിലേക്ക് തങ്ങളുടെ ഉൽപ്പന്നങ്ങളുടെ കൂടുതൽ വിവരങ്ങൾ എത്തിക്കുവാൻ കഴിയുന്നത് വിൽപ്പനയെ ഏറെ സഹായിക്കുന്ന ഒന്നാണല്ലോ. AR വഴി, പ്രൊഡക്റ്റുകളുടെ 3D മോഡലുകൾ, ഡെമോ വീഡിയോ, വെർച്വൽ ടൂറുകൾ എന്നിവ ഉപഭോക്താക്കൾക്ക് മുന്നിൽ പ്രദർശിപ്പിക്കുവാൻ സാധിക്കുന്നതാണ്. ഇത്, പ്രൊഡക്റ്റുകൾ കൂടുതൽ വിറ്റ് പോകുവാൻ സഹായിക്കും.

വ്യവസായ സ്ഥാപനങ്ങളിലെ ജീവനക്കാരുടെ സുരക്ഷാ പരിശോധനകൾ ഏറെ കാര്യക്ഷമമായി നിർവ്വഹിക്കുവാൻ ഈ സാങ്കേതിക വിദ്യക്കാവും. സ്ഥാപനത്തിലെ സുരക്ഷാ നിർദ്ദേശങ്ങൾ, അപകടസാധ്യതകൾ, പ്രോട്ടോകോളുകൾ എന്നിവ ദൃശ്യമായി പ്രദർശിപ്പിക്കുന്നത് വഴി ജീവനക്കാരുടെ സുരക്ഷ ഉറപ്പാക്കുവാൻ കഴിയുന്നതാണ്.
ബിസിനസ്സ് പ്രോസസ്സ്, എക്സ്പ്ലോറേഷൻ, ഉപയോഗം, വെർച്വൽ ഡാറ്റാ സമാഹരണം എന്നിവ കൂടുതൽ ഫലപ്രദമായി നിർവ്വഹിക്കുവാൻ ഇത് വഴി സാധ്യമാണ്.

ഗവേഷണ രംഗം കൂടുതൽ മെച്ചപ്പെടുത്തുവാൻ ഈ സാങ്കേതിക വിദ്യക്കാവും. ഗവേഷകർക്ക് തങ്ങളുടെ പരീക്ഷണങ്ങൾ 3 ഡി മോഡലുകളായി കിട്ടുന്നത് ഏറെ ഫലപ്രദമാണ്. ലാബ് ഉപകരണങ്ങളുടെ ഇൻസ്റ്റലേഷൻ, പ്രവർത്തനം, മെക്കാനിക്കൽ പ്രോസസ്സ് എന്നിവയെ ദൃശ്യവൽക്കരിക്കുവാൻ ഇതിലൂടെ സാധ്യമാണ്. ശാസ്ത്രവിദ്യാഭ്യാസത്തിനായി 3D മോഡലുകൾ, ആനിമേഷനുകൾ, യഥാർത്ഥ-ലോക സിംഗുലേഷനുകൾ എന്നിവ ഉപയോഗിക്കുന്നു. ഇത്, ശാസ്ത്രം എളുപ്പത്തിൽ പഠിക്കാൻ, സിദ്ധാന്തങ്ങൾ വ്യാഖ്യാനിക്കാൻ ഏറെ സഹായകരമാണ്. AR, വ്യത്യസ്ത ശാസ്ത്ര മേഖലയിലെ ഗവേഷകർ തമ്മിലുള്ള സഹകരണത്തെ മെച്ചപ്പെടുത്തുന്നു, ഓൺലൈൻ പ്ലാറ്റ്ഫോമുകൾ, വർത്തമാന വിവരങ്ങൾ, സജ്ജീകരണങ്ങൾ എന്നിവ പ്രദർശിപ്പിക്കുന്നു. ഫീൽഡ് സർവ്വേയും വിവര ശേഖരണവും കൂടുതൽ മികവോടെ നിർവ്വഹിക്കുവാൻ ഇത് വഴി സാധ്യമാണ്.

കലാരംഗത്തും ഈ സാങ്കേതിക വിദ്യക്ക് ഏറെ മാറ്റങ്ങൾ സൃഷ്ടിക്കുവാൻ കഴിയും. അഞ ഉപയോഗിച്ച് ശിൽപങ്ങളിൽ ആനിമേഷൻ, ഓഡിയോ, മോഷൻ ഗ്രാഫിക്സ് എന്നിവ ചേർക്കുവാൻ കഴിയും. അഞ, മ്യൂസിയം ഗാലറികൾക്ക് പ്രേക്ഷകർക്ക് വെർച്വൽ ടൂറുകൾ അനഭവേദ്യമാക്കുവാൻ കഴിയും. വീഡിയോകൾ, സിനിമകൾ തുടങ്ങിയവയുടെ സൃഷ്ടിയിൽ പുതിയ ഇന്ററാക്റ്റീവ് അനുഭവങ്ങൾ സൃഷ്ടിക്കുവാൻ കഴിയുന്നതാണ്. പ്രേക്ഷകർക്ക് ഇവയിൽ ഇടപെടാം, ചലനങ്ങൾ, ഓഡിയോ എന്നിവ നിയന്ത്രിക്കാം. കലാകാരന്മാർക്ക് അവരുടെ സൃഷ്ടികൾ പുതിയ രീതിയിൽ പ്രദർശിപ്പിക്കാൻ, പ്രേക്ഷകരുമായി നേരിട്ട് ബന്ധപ്പെടാൻ കഴിയുന്നതാണ്. AR മീഡിയം ഉപയോഗിച്ച്, എങ്ങനെ പ്രേക്ഷകർ അവരുടെ കലയെ അനുഭവിക്കുന്നതെന്ന് കണ്ടെത്താൻ കഴിയും.

വിനോദ വ്യവസായ മേഖല എന്നയൊന്ന് തന്നെ വ്യപകമായത് ഇത്തരം സാങ്കേതിക വിദ്യയുടെ കടന്ന് വരവോട് കൂടിയാണ്. യഥാർത്ഥ ലോകത്തെ ഡിജിറ്റൽ വസ്തുക്കൾക്കൊപ്പം ചേർക്കുന്ന രീതിയിൽ പ്രവർത്തിക്കുന്ന ഇത് വിനോദ വ്യവസായത്തിൽ പുത്തൻ വാതയാനങ്ങളെ തുറക്കുന്നു. വീഡിയോ ഗെയിം കളിക്കുന്നവർക്ക് യഥാർത്ഥ ലോകത്തെ ഡിജിറ്റൽ വസ്തുക്കൾക്കൊപ്പം ചേർക്കുന്ന രീതിയിൽ പ്രവർത്തിക്കുന്ന ഈ സാങ്കേതിക വിദ്യ മെച്ചപ്പെട്ട അനുഭവം പ്രദാനം ചെയ്യുന്നുണ്ട്. ചലച്ചിത്രങ്ങളിലെ ഡിജിറ്റൽ എഫക്ടുകൾ പ്രേക്ഷകർക്ക് ആകർഷകമായ ഒരു അനുഭവം ലഭിക്കുവാൻ സഹായപ്രദമാണ്. അത് സിനിമയിലെ കഥാപാത്രങ്ങൾക്കൊപ്പം പ്രേക്ഷകർക്കും ചേരുവാൻ സാധിക്കുന്ന രീതിയിലായിരിക്കും ഇനിയുളള സിനിമകൾ.

ചുരുക്കത്തിൽ ഈ സാങ്കേതികവിദ്യയുടെ ഉപയോഗം, ബിസിനസ്സ് പ്രവർത്തനങ്ങളെ മെച്ചപ്പെടുത്താൻ, പ്രവർത്തനക്ഷമത വർദ്ധിപ്പിക്കാൻ, ഉപഭോക്തൃ അനുഭവം ഏർപ്പെടുത്താൻ, ജീവനക്കാരുടെ പരിശീലനവും ഉത്തമവുമായ പ്രവർത്തനങ്ങളും മെച്ചപ്പെടുത്താൻ തുടങ്ങിയവയിലൊക്കെ സഹായിക്കുന്നതാണ്. അന്തിമമായി, augumented reality എന്നത് ഒരു വൈശിഷ്ട്യമായ സാങ്കേതിക മുന്നേറ്റം ആണ്. വിദ്യാഭ്യാസം, ആരോഗ്യം, വിനോദം, കച്ചവടം എന്നിവയുൾപ്പെടെയുള്ള വ്യത്യസ്ത മേഖലകളിൽ അതിന്റെ പ്രയോഗങ്ങൾ വ്യാപകമാകുന്നുണ്ട്. ആയതിനാൽത്തന്നെ ഈ രംഗത്ത് കൂടുതൽ സ്റ്റാർട്ടപ്പുകളുമായി യുവാക്കൾ രംഗത്ത് വരേണ്ടതുണ്ട്. ഇന്ന് ശൈശവ ദശയിലായ ഈ സാങ്കേതിക വിദ്യക്ക് ഏറെ ദൂരം മുന്നോട്ട് പോകുവാനുണ്ട്. അത് ഇത് വരേയും നമ്മൾ കാണാത്ത പുത്തൻ ബിസിനസുകൾ ഉടലെടുക്കുവാനും ഒപ്പം കൂടുതൽ തൊഴിലവസരങ്ങൾ സൃഷ്ടിക്കുവാനും പര്യാപ്തമാവും.